( زوج مزطولين )
قالك هذو زوج مزطولين .. كانو قاعدين حذا واحد الحيط ...
ناض واحد فيهم سقسى لاخر : شوف شوف .. واش هذيك
النقطة الزرقة اللي راها فالمحيط ؟
أخزر فيها صاحبو مليح وقالو : هذيك نملة
لابسة سروال جين.
ههههههههههههههههههههههههههههههههههههههههههههه
( الطير في كاجة )
قالك هذا واحد الطير أدخل فواحد الزجاج نتاع الطوموبيل
أتصرع .. أداه الراجل دارو فواحد الكاجة ...
أيا كي فطن الطير لقئ روحو محبوس فالكاجة
وهو يقول : أواه .. زعمة يكون مات الراجل .
ههههههههههههههههههههههههههههههههههههههههههههه
( واحد راسو كبير )
قالك هذا واحد راسو كبير .. وديما يتمسخرو بيه
الذراري ... راح ليماه قالها : علاش راسي كبير ؟
قالتلو : وحد النهار كنت صغير طحت على راسك ..
جيت أنديرلك القهوة .. درتلك الخميرة .
ههههههههههههههههههههههههههههههههههههههههههههه
( حبة بنان )
قالك هذا واحد مسمار .. الدورو يموت عليه ...
واحد النهار شرى حبة بنان ما فيهاش التيكي ..
عاود أرجع للخضار وقالو : أعطيني اللي فيها
التيكي .. باش ندفعو للكلزورال ونرومبورسي .
ههههههههههههههههههههههههههههههههههههههههههههه
( كحلوش )
قالك هذا واحد كحلوش بزاف .. سكنو جن ...
حبو يخرجوه .. قالهم : والله راني حاب نخرج ..
بصح ماراني نشوف والو.
ههههههههههههههههههههههههههههههههههههههههههههه